Litera Publikasies is in 2000 as ’n onafhanklike klein uitgewery in Pretoria gestig. Deur die jare het die gehalte van ons boeke in die Suid-Afrikaanse boekebedryf bekend geword. Litera fokus op die genres biografie, outobiografie, geskiedenis, omgewing en uitgesoekte fiksie. Die uitgewery het onlangs na die Wes-Kaap verhuis en word vanaf Somerset-Wes bedryf. In die eerste 16 jaar van haar bestaan het Litera die werk van bekroonde skrywers soos TT Cloete en George Weideman met trots aangebied. Ons het al enkele titels in Europa bekendgestel, en het gunstige resensies in internasionale publikasies ontvang. Van ons boeke word in buitelandse biblioteke aangetref. Terwyl ons produkte van die begin af in goeie boekwinkels in Suid-Afrika en Namibë aangetref word, sal enkele titels voortaan ook in Noord-Amerika en Kanada beskikbaar wees.