Annette Jordaan (geb. Neethling) matrikuleer in 1967 aan die Afrikaanse Hoër Meisieskool Pretoria. Daarna behaal sy M.A. in Latyn (1982) aan die Randse Afrikaanse Universiteit en DLitt (Afrikaans) (2004) aan die Universiteit van Pretoria. Tot haar aftrede in 2015 was sy dosent in die Departement Afrikaans aan die U.P. Nege romans uit haar pen het by Lapa onder die skrywersnaam Magda Schmidt verskyn. In 2013 verskyn Lothar Neethling: ’n lewe vertel by Litera.