Louis Tregardt se dagboek is een van die Afrikaanse literatuur se kosbaarste besittings. Die vroegste spore van Afrikaans is al hierin te bespeur maar dit is vir moderne lesers moeilik om te volg. Grobler het dit nie net in Afrikaans vertaal sonder om die outentisiteit prys te gee nie maar ook van toeligting voorsien wat onvolledige inskrywings en onverklaarbaarhede opklaar. Tot op datum is dit die modernste weergawe daarvan. Origens word die dagboek voorafgegaan deur inligting oor Tregardt en sy medetrekkers, asook die trekroete. In plaas van tweedehands in 'n geskiedenisboek, trek die leser in hierdie dagboek van dag tot dag op ou waspore langs, ruik die wildernis, sit rondom vure waarvan die as in vergetelheid verdwyn het, beleef pyn, wanhoop en woede. Maar Tregardt se humorsin het hom nooit in die steek gelaat nie, veral wanneer hy die draak steek met van sy medetrekkers. Die hartverskeurende einde is van die vroegste liefdesliteratuur in Afrikaans - asook van die mooiste, om die eenvoud daarvan.

Meer oor die vertaler en aanbieder:

Dr. Jackie Grobler is ’n historikus en skrywer van ’n tiental publikasies oor die geskiedenis en kultuurerfenis. Dosent in Geskiedenis en Erfenis- en Kultuurtoerisme, Universiteit van Pretoria. Lees meer ...

Enkele uittreksels uit die boek: Lees meer ...

ISBN: 978-1-920188-44-3
FORMAAT: 222 mm x 152 mm
BLADSYE: 288 pp swart & wit
OMSLAG: Volkleur matgelamineerde sagteband met 10 cm flappe aan weerskante
Prys: R 280.00
KATEGORIE: Niefiksie: Geskiedenis